أسرار فترة التضخيم

📍كيفما قلت ليكم غا نبدا نهدر على رياضة كمال الاجسام و غا نبدا باسرار فترة التضخيم 👇👇

🚫 أسرار فترة التضخيم 🚫

▪الى كنتي باغي تماصي قرا لبوسط كامل راه غادي يفيدك️

▪️الصيف سالا شحال هادي ولي فاز بشي تصاور وحطهم فالفايس ولا فلانسطا بسيكس باك بصحتو
دابا وقت البرد والاغلبية هادا هو الوقت فين كيبدا لاماص .

▪واحد الملاحظة صغيرة️ راه ماكاينش علاقة بين البرد ولاماص... راه فاابرد تقدر تنشف وفالصيف تقدر ماصي والعكس صحيح.

🔰 كتعريف بسيط اشناهو التضخيم او اشنتهي فترة لاماص؟📖
• التضخيم كيعني الفترة لي كيكون فيها لاعب كمال الجسام كيحاول يكتاسب فيها حجم عضلي جديد مع زيادة فالوزن ديالو طبعا وهادشي كيكون عن الطريق الزيادة فالسعرات الحرارية وهاد الفترة كتسمى كدلك فترة الأوف سيزون... ماكيكون فيها لابطولات لاوالو .
🔰 مدارس التضخيم🏫
• كاينة المدرسة القديمة ولي بنسبة ليها التضخيم هو راحة من عداب الريجيم وفترة يقدر ياكل فيها اي حاجة بغا(اي حاجة جات قدامو يخشيها فوجهو) دورتي بالك.
• كاينة المدرسة الحديتة ولي فيها لحساب ديال السعرات الحرارية ولي كتبقى دائما ملتزم بماكلة نقية وهادشي باش خدام انا.
▪️غادي نحاول نوريكم اشنو كناكل وكيفاش كنتريني واشناهما المكملات لي كنستعمل فهاد المرحلة
🔴 النظام الغذائي🔴
⭐️((1)⭐ عمرني مابديت التضحيم ونسبة دهون لي في فايتة 8%... ماكنبدا مرحلة التضخيم حتى كتكون نسبة دهون عندي قليلة... بمعنى مايمكنش اخويا دحل ففترة التضخيم ونتا كرشك سابقاك بنص ميترو... ماتبدى فالتضخيم حتى يوليو عندك ليزابدو كيبانو على الاقل️ .
⭐️((2)⭐️ التضخيم يعني كاربوهيدرات ثم كاربوهيدرات ثم كاربوهيدرات ... يعني حاول دخل فالوجبات ديالك الروز والشوفان وبطاطا حلوة والمعجنات والشعير واي حاجة فيها كاربز... والكاربز كيعني سعرات حرارية اكتر وحاول دخل مالين5 و7 غرام كارب لكل كيلو من الوزن ديالك .
⭐️((3)⭐️ الدهون الصحية هي تاني أكتر حاجة خاصك تستهلكها الكاربوهيدرات ... غرام واحد ديال دهون صحية كيياوي 9 سعرات حرارية والدهون الصحية غادي تلقاها فاللوز والكاوكاو ولافوكا وزيت العود وصفر ديال البيض....
⭐️((4)⭐️ نسبة البروتين غادي تكون كثر من الانسان لي ماكيترينيش وتقدر توصل حتى 3غرام لكل كيلو من لوزن ديالك... البروتين ممكن تلقاه فالدجاج واللحم والحوت والبيض والحليب.....
⭐️((5)⭐ حاول تملي عدد الوجبات ديالك فنهار يكون فحدود 6 الوجبات باش تقدر دخل للجسم ديالك العدد الكافي من السعرات الحرارية لي تقدر توصل حتال 3500 سعرة حرارية️...ايوب الطاهري
يتبع....
#فتنيس #جيم #التضخيم
#fitness #gym #musculation #offseason