"BALAANG BATA" - A Visayan Poetry

"BALAANG BATA"

O Balaang Senyor Santo Nino,
Nagadayeg ug nagapasalamat kami Kanimo.
Dinayeg Ka sa tanang katawhan,
Sa matag adlaw Kami imong giubanan.

O Batang Hesus nga balaan,
Pinalangga Ka namo nga tanan.
Sa imong paggiya Kanamo sa tarong nga dalan,
Ug pag-iway kanamo sa mga butang nga dautan.

Senyor Santo Nino, Ikaw hari sa tanang hari,
Giniyahan mo kami sa adlaw ug gabii.
Sa among kawad-on Ikaw anaa,
Wala mo kami biya-i bisan kanus-a.

Batobalani ang imong gugma,
Gipangga mo kami bisan sa among pagkamakasasala.
Imong gidungog ang tanan namong pangaliya,
Imong gugma ug kaayo walay sama.

O Senyor Santo Ninyo, nangilaba kami Kanimo,
Hupaya ning among mga kasing-kasing, O Ginoo.
Ning kalibutan nga puno sa tentasyon,
Iiway mo kami sa malaw-ay nga buluhaton.

Bendisyoni kining among mga salabutan,
Ang among kinabuhi, Kanimo among itugyan.
Inita kami panahon sa kaluya,
Dasiga ning among kasingkasing sa paghigugma.

O Senyor Santo Ninyo, patron sa Sugbu,
Dinayeg ka sa tanang katawhan nga midangop Kanimo.
Ikaw ang among gabayan sa kamatuoran,
Ang nagahatag ug iwag sa among kinabuhi hangtud sa kahangturan.

My mom,dad and younger sister.

Photos taken earlier during the 3rd day novena.

This poem is heartily composed in reverence and thanksgiving to our Senor Santo Nino (Baby Child Jesus). With the upcoming Sinulog Festival, may we all realized how blessed we are, and be grateful for all our answered prayers.