කලවම් මැල්ලුම

හලෝ හලෝ කෝම්ද?. මම හිතනව කට්ටිය හොදින් ඇති කියලා. අද මම ටිකක් වෙනස් විදිහෙ වැඩක් කරන්නයි යන්නෙ. මම අද ලියන්නෙ එක එක දේවල් වල එකතුවක්. මේක නිකම් ජෑම් එකක් වගේ වෙන්නත් පුලුවන්. මම අද කරපුව, මම දන්න දේවල් ,මට තියෙන දේවල් වගේ එක එක දේවල් ගැන මම කියනව. ඉතින් අපි පටාන්න් ගමූ.

මගේ ලූනු පැලේ

එක දවසක් මම කම්මැලිකමේ ඔහේ පාවි පාවි ඉන්නකොට මට හිතුනා මොනව හරි දෙයක් පැල කරලා ඒක ලොකු වෙන හැටි බලන් ඉන්න ඕන කියලා.ඉතින් මට කලින් ඉදන් ආසාවක් තිබුනා ලූනු පැලයක් හදාගන්න. මම කඩේ යන වෙලාවට දැකල තියෙනවා එලවලු කඩවල ලූනු කොල මල් එක්කම ලස්සනට තියෙන හැටි. ඉතින් මම යූ ටියුබ් එකේ පොඩ්ඩක් සර්ච් පාරක් දාල පැලුව කෝම්ද මේ වැඩේ කරන්නෙ කියලා. ඉතින් ලූනු පැලයක් ලූනු ගෙඩිය එක්කම හදාගන්නනම් ලූනු ඇට හරි මොනව හරි ඕන ඇති.ඒත් මට ඕන උනේ කෙලින්ම් ලූනු ගෙඩියෙන් ලූනු කොල සහ මල් හදාගන්න. ඉතින් මම දැක්ක හරි ලස්සනට ක්‍රමයක්. ඒකෙ තිබුන විදිහට අපි මේ ලූනු ගෙඩිය පැල කරන්නෙ වතුරෙ. කරන විදිහට කියන්නම්කො මන්.මේකට ඕන වෙනව බීම බෝතලයක්.ඒ බෝතලේ කටට අගල් එකහමාරක් වගේ පහලින් කපල වෙන් කරගන්න.දැන් ඒ කපාපු කෑල්ල පුනීලයක් වගේ අර බෝතලේ ඉතුරු කොටසට බස්සන්න. දැන් වතුර පුරවන්න. බෝතල් කටෙන් පොඩ්ඩක් උඩට එනකන් පුරවගත්ටම ඇති. දැන් ශේප් එකේ කුස්සියට බැහැලා ලොකු ලූනු(බී ලූනු) ගෙඩ්ඩක් හොරකම් කරගන්න. ඊට පස්සේ ඒ ගෙඩියේ උඩ කොටස යන්තම් කපල අයින් කරගන්න. තරුන ලූනු ගෙඩ්ඩක්නම් හොදයි. දැන් වටේ වේලුන පොතු ටික අයින් කරගන්න.ඊලගට ලූනු ගෙඩ්ඩ අර අපි හදාගත්තු පුනීලෙ වගේ කොටසට දාන්න. ලූනු ගෙඩියෙ යට කොටස වතුරෙ ගිලිල තියෙන්න ඕන. ඉතින් ඒ විදිහට හදාගත්තම දවස් කිහිපයක් යද්දි ඒකෙන් මුල් දාල කොල එන්න පටන් ගන්නව. ඉතින් මේ තියෙන්නෙ ඒ විදිහට මම හදාගත්ත ලූනු බබා.(මන් අද එයාව කපල කෑමට ගන්න හිතන් ඉන්නෙ 😈)

ඔක්කොම කලු

කලු පාටට ආස අය ඉතින් අපි හැමෝම අතර ඉන්නවනෙ. පුලුවන් තරම් අපි බලන්නෙ කලු පාට දේවල්ම ගන්න. ඉතින් මාත් ඒ වගේ කලු පාට දේවල්මයි ගන්නෙ. මේක Show Off එකක් නෙවෙයි.මේකත් ඉතින් මන් ඔහේ ඉද්දි මට කල්පනා උන දෙයක්. ඉතින් කොහොම හරි අහම්බෙන් හෝ මම හිතලම මට ලැබෙන්නෙ කලු පාට දේවල්.මේ දේවල් අතර මගෙ ලැප් එක, ෆෝන් එක,බයික් එක ,හෙල්මට් එක, ජැකට් එක,හෙඩ් සෙට් එක...මේ හැම දේම කලු පාටයි.

යන්තන් පෙන්නගත්ත මගේ දේවල්(එහෙම නෙවේ හොදේ)
ඉතින් කලු දේවල් අතරින් වැඩගත්ම කලු දේ තමයි මම👦🏿.

මම දන්න දේවල් ටිකක්

ඔයා සොෆ්ට්වෙයා ඉන්ජිනියර් කෙනෙක් නම් ඔයා හදන සොෆ්ට්වෙයා ඔයාගෙ මැශින් එකේ තියාගන්නවට වඩා හොදයි ආරක්ශිත තැනක දාල තියන එක. ඒ වගේම ඔයා එක්ක එකම ප්‍රොජෙක්ට් එකේ වැඩ කරන අනිත් යාලුවන්ටත් එයාල ගහන කෝඩ් එක ඔයාගෙ කෝඩ් එක එක්ක සෙට් කරන්න ලේසි විදිහක් ඕන වෙනව. ඉතින් මේ වැඩේට ඉන්නව විශේශ කෙනෙක්. එයා තමයි github. මෙයාටම විශේශ උන කෝඩ් කිහිපයක් බාවිත කරල අපේ ලැප් එකේ තියෙන අපි කරන් යන ප්‍රොජෙක්ට් එක අප්ලෝඩ් කරගන්න පුලුවන්.

ඔයාට මොකක් හරි වැඩකට photos ඕන වෙනවනම් ඒකට ඔයාට යන්න පුලුවන් freepic කියන වෙබ් සයිට් එකට. මේකෙ තියෙනව සාමන්‍ය වැඩක ඉදන් ග්‍රැෆික් ඩිසයිනර් කෙනෙක්ට වෙනකන් ඕන කරන ඕනම ෆෝර්මැට් එකක ඉමේජස් තියෙනවා. හැබැයි කොමර්ශල් යූස් කරනවනම් ඔයාට සල්ලි දීල තමයි ගන්න වෙන්නෙ. ඒත් මේක හරි වැදගත්.

ඔයාට මොකක් හරි සොෆ්ට්වෙයා එකක් ක්‍රැක් ෆයිල් එකත් එක්කම ඩවුන්ලෝඩ් කරගන්න ඕනද. එහෙනම් ඒකට හොදම සයිට් එකක් තමයි filecr.com කියන සයිට් එක.මේකෙ වින්ඩෝව්ස් ,මැක්, ලිනක්ස්, ඇන්ඩ්‍රොයිඩ් වගේ ඕනම OS එකකට ගැලපෙන සොෆ්ට්වෙයා තියෙනවා. ෆ්‍රී තමයි මේ ඕන එකක්.

ඉතින් එහෙනම් මම නවතිනව. ආයෙත් ලගදිම හම්බෙනකම් පරිස්සමින් සතුටින් ඉන්න. බායී ☕

පසුව ලියමු: ටොපික් එක් දැම්මම මට මේක මතක් උනේ. ඇත්තටම හරි වචනෙ කවලම් ද කලවම් ද?😵