CTB | Tale Behind the Snap 03 | 5% for SL-Charity

සුභ දවසක් හැමෝටම. මම අද කතාකරන්න හිතුවෙ මගේ පෞද්ගලික අදහසක් ගැන... ඡායාරූපවල විවිධ ආකෘති දකින්න පුළුවන් නේ. කෙනෙක් කියන්න පුළුවන් එහෙම ආකෘතිවලට යටත් වෙන එක වැරදී කියල. ඒත් හොදට බැලුවොත් හැමකෙනෙක්ම ආකෘති එකකට හරි කීපයකට හරි නැඹුරුවක් තියනවා.

හරියට තේරුනේ නැද්ද? හරි මෙහෙම කියමු. Phone එකකින් තනියම හෝ කණ්ඩායමක් කණ්නාඩියක් හරහා ගන්න photos, දිය ඇල්ලකින් හරි කන්දකින් හරි කකුල පහලට දාගෙන ඉන්න photos, black and white portraits... මේව යම් ආකෘති නේද? මම කියන්න යන්නෙ මගේ තිබ්බ යම් ආකෘතියක්. ඒ තමයි කදුකරයේ යන CTB bus 🚌 🚌

අපි විහිළුවට වගේ Ceylon ටකරන් බස් (CTB) කියල කිව්වට මේ බස් ඒ ප්‍රදේශයට කරන සේවය ඉතා විශාලයි. සමහරවිට තියන එකම ප්‍රවාහන මාධ්‍යය ඒක. සමහර වෙලාවට ලියුම්, අත්‍යවශ්‍ය භාණ්ඩ ගමට ගේන්නෙත් එලවළු, පලතුරු, අත්කම් භාණ්ඩ ගමෙන් නගරෙට අරන් යන්නෙත් මේ බස් වල. බොහෝ විට මේ බස් TATA මාදිලියේ ඒවා.

පලවෙනි photo එක ගත්තෙ ඕලු ඇල්ල බලන්න යනකොට. අපේ නඩේ ගුරා කෙල්ල විස්තර වැරදියට අහගෙන අපි යටියන්තොටින් නැගල තිබ්බෙ 😂 වැරදි බස් එකක ඉතින් අපිට ටික දුරක් ඇවිත් ඒ බස් එකෙන් බැහැල කිලෝ මීටර 8ක් 9ක් විතර පයින් යන්න වුණා. ඒකත් හරි අපූරු ගමන, අතරමග පොඩි පොඩි දොලපාරවල්, කඩවල්වලින් පොඩි පොඩි කෑම කකා ගියා. පාර දෙපැත්තෙම ගස් නිසා අව්වෙන් නම් කරදරයක් නෑ.

දෙවනි photo එකේ ඉන්නෙ නම් මම නෙමෙයි. මේක ගත්තෙ මගේ Gopro එකෙන්. ඒ මාතලේ නගරයේ ඉදල ඇටන්විල ගමට යන bus එක. ඒක නම් පාරදීසයක් මැදින් යන ගමනක්. ඒ ඇති. තව විස්තර කරන්න වචන නෑ. මට ලොකු chance එකක් ලැබුනා මේ ගමනෙදි. ඒ තමයි driving seat එකට එහා පැත්තෙන් තියන passenger seat එකේ යන්න. එතකොට මට අනිත් අයට වඩා හොදට වටපිට පේනවා. සංචාරකයන් අතර නම් මේ bus එක ගොඩක් ප්‍රසිද්ධයි. ළඟදි දවසකත් මේ බස් එකේ drone shot එකක් viral share වෙනව මම දැක්ක. මානිගල, නකල්ස් යන්න ඕන මේ බස් එකේ ගිහින් තමයි.

තුන්වෙනි එකත් පොඩි අරබුදයක් මැදදි ගත්ත එකක්. Lipton seat යන්න අපිට google map එකෙන් පෙන්නපු පාරවල් හැම එකක්ම අපේ කාර්වලට තියා බයික් වලටවත් යන්න බැරි ඒවා. අන්තිමට මේ පාරෙ යනකොට signal ඇත්තෙත් නෑ. ගම්වල මිනිස්සුන්ගෙ අහගෙන මාරම වටයක් ගහල ගියේ. කොහොමහරි මේ ගම් නම් පුදුම ලස්සනයි. වාහන යන්නෙ කලාතුරකින්, හම්බුන එකම bus එකත් මේක. කදුකරයේ හැංගිල තියන මේ ගමේ නම මොකක්ද කියලවත් දැනගන්න උනේ නෑ. හැබැයි කදුකරේ තිබ්බ ගෙවල්, ලමයි සෙල්ලම් කරපු පිට්ටනි අපිට නම් හීනයක් වගේ.