A Trip to Trinco -1

දිගම දිග කාලෙකට පස්සෙ මං ආයෙමත් long trip එකක් ගියා මගේ dream city එකක් වුණ trinco වලට. සමහරු මගෙන් අහලත් තියෙනවා ඇයි මෙච්චර ලස්සන සීතල පැති තියෙන රටේ කාශ්ඨක අව්ව සැර වියළි කලාපෙම රිංගන්න යන්නෙ කියලත්. මෙහෙමයි කියලා විස්තර කරන්න බැරි හේතු ගොඩායි. ඒත් මං පුදුම ආදරෙයි ආසයි. මං series එකක් විදියට මෙ ගැන ලියන්නම්. කවුරුම හරි යන්න හිතන් ඉන්නවා නම් මේක එයාලට උදව්වක් වෙයි.

හැමදාම රෑ 9.30 ට කොළඹ කොටුව station එකෙන් ත්‍රිකුණාමලයට යන express train එකක් තියෙනවා. second class ටිකට් එක 950 යි. කලින් booking එකෙක් දානවා නම් ඒ ටිකට් එකම book කරන්න වෙන්නෙ 1800 කට. ඉතින් එහෙම ඕනෙකමක් නෑ second class, 1st class එහෙම crowded වෙන්නෙ නැති නිසා. ටිකක් වේලාසන Fort railway station එකට ගියාම ඇති.

රෑ 9.30 ට කොටුව ස්ටේශන් එකෙන් පිටත් වුණාම උදේ 7.00 වෙනවා එහෙට යනකොට. ඒකට හේතු විදියට කෝන්වැව සහ ඊට කලින් station එකක සිද්ධ වෙන පැය එකහමාරක විතර ප්‍රමාදය කියන්නත් පුලුවන්. නැත්නම් scheduled time එක උදේ 5.30. නැගෙනහිර පැත්තට ළං වෙනකොට ඉර පායාගෙන එනවා. ඒක හරිම ලස්සන දර්ශනයක්. කුඹුරු වල වතුර උඩට ඉර එළිය වැටිලා ලස්සනට දිලිසෙනවා. පොල් ගස් උඩින් තල් ගස් උඩින් පුංචි පුංචි රැස් ඇවිල්ලා හැම තැනම ඇවිදිනවා.

විටින් විට coffee, තේ වගේ දේවල් train එකේ විකුණනවා. ඒක යන අයට පහසුවක්. මොකද ඒක සෑහෙන්න දිග දුම්රිය ගමනක්. යනවා යනවා ඉවරයක් නෑ කියලා තමයි හිතෙන්නෙ. ඉතින් ඒ යෑම ඉවර වෙලා අපි ත්‍රිකුණාමලයට යනකොට උදේ 7.00 යි. Railway staion එකේ ගහල තියෙන ත්‍රිකුණාමලය කියලා ගහල තියෙන board එක දැක්කම හිත සතුටින් පිරිලා යනවා!