ප්‍රමාදයට තෑග්ගක් 🎁 |5% to SL charity

අද කාලේ නිහතමානි මිනිස්සු හරි අඩුයි.විශේෂයෙන්ම ව්‍යාපාර කරන මිනිස්සු අතර නිහතමානීකම හරිම අඩුයි . තමන්ගෙ අතින් වැරැද්දක් සිදු වුණොත් අඩු පාඩුවක් සිද්ධ වුණත් අඩුම තරමේ වචනෙකින්වත් සමාව ගන්න මිනිස්සු අද කාලේ හරිම දුර්ලභයි. හැබැයි එහෙම මිනිස්සු ඉන්න රටක හරිම නිහතමානී ගෑනු ළමයෙක් පහුගිය දවසක අපිට හමු වුණා .

පහුගිය සිකුරාදා මම එයත් එක්ක ගාලු නගරයට ගියේ මට අවශ්‍ය පොත් කීපයක් මිලදී ගන්න.යන අතරමගදී ටවුන් එකේ ATM මැෂින් එකකට ගියෙ කාඩ් එකෙන් pay කරන්න බැරි උනොත් මුදලින් ගෙවන්න ඕන නිසා සල්ලි ටිකක් ගන්න . හැබැයි මට සිද්ධ වුණේ හිතුවෙවත් නැති අකරතැබ්බයකට මුහුණ දෙන්න . ඒ මැෂින් එකේ මගේ කාඩ් එක හිර වුණා . ගොඩක් උත්සහ කලත් නොහැකි වුණ නිසා අපි ඒ ළඟ තියෙන බැංකුවට ගිහිල්ලා මේ විස්තරය දැනුම් දුන්නා. හැබැයි පැය කීපයක් යනතුරු අපිට කාඩ් එක නැවත ලබාගන්න හැකියාවක් ලැබුණේ නැහැ. මේ හේතුව නිසා අපි හිතුවට වඩා අපිට ගොඩක් ප්‍රමාද වුණා . ඉක්මනට එන්න හිතාගෙන ගියත් ඒ වැඩ ටික ඉවර වෙනකොට එකත් පහුවෙලා තිබුණා .

පවතින covid තත්වය නිසා අපි සාමාන්‍යයෙන් කඩෙන් කන්නේ නැහැ . හැබැයි අපි දෙන්නම ආස නිසා අපි ගාල්ලෙ Dominos pizza එකට ගියා. අපි එතනට යන වෙලාව නම් එතරම් සෙනගක් හිටියේ නැහැ . ඉතිං අපි පහලින් ඕඩර් එක දාල ඉහළ මහලට ගියේ තවත් සෙනග ආවොත් අපිට එතන නිදහසේ කන්න බැරි වෙයි කියලා හිතලා. උදේටත් කාලා නොහිටපු නිසා මම නං හිටියේ ලොකු බඩගින්නකින් . කතා කර කර හිටපු නිසා වෙලාව යනවා දැනුනෙත් නෑ ඉතින් . හැබැයි වෙලාව බලනකොට 1:40 ට ළඟයි. ටිකක් වෙලා යනකොට උඩ තට්ටුවටත් තව කට්ටිය එන්න ගත්තා. මම ඇත්තටම ගොඩක් බඩගින්නෙ හිටපු නිසා කොයි වෙලාවේ පීසා එක අරන් එයිද කියලා බල බල හිටියේ .

බැරිම තැන අපි ආපහු පහල තට්ටුවට ගිහිල්ලා කැෂියර් ගෙන් ඇහුවා අපේ pizza එක තවමත් ready නැද්ද කියලා . ඒ වෙලාවේ පහල තට්ටුවේ හැම මේසයක් ම පිරෙන තරමට සෙනග හිටියා . ස්ටාෆ් එකේ හැමෝම හරිම කඩිසරව වැඩ . එයාලා බයවෙලා වගේ හැමතැනම ඕඩර් එක හෙව්වා . බලනකොට එයාලට ඒක miss වෙලා . ඒක අපිට ගෙනියන්න හිටපු girl හිතලා තියෙන්නේ වෙන කෙනෙක් ඒ order එක අපිට ලබා දුන්න කියල. ඉතිං අපි ආයෙමත් ඉහළ තට්ටුවට ගියාම ඒ girl අපිට අපේ order එක අරගෙන ආවා . අපි ඉතින් සද්ද නැතුව විනාඩි 50ක් ම එතන ඉඳලා තියෙනවා අපේ ඕඩර් එක එනකන් .

අපි පීසා එක කන අතරතුරේ ඒ girl නැවතත් ආවේ ලාවා කේක් දෙකක් අරගෙන . ඇත්තටම මම හිතුවේ අපේ order එකට මොකක් හරි offer එකක්වත් ලැබුණ ද කියලා . ඒත් එහෙම නෙමෙයි. එයාලගේ වෙච්ච ප්‍රමාදයට sorry කියන්නයි, ඒක gift එකක් විදිහට අපිට දීල තිබුනෙ. අපි එපාම කිව්වත් ඒ girl ඒක මේසය උඩින් තියලා ගියා.

අපි කාලා ඉවර උනාට පස්සේ lava cake දෙක අරගෙන ආයෙමත් කැෂියර් එකට ගියේ ඒ දෙකට සල්ලි ගෙවන්න හිතාගෙන . මොකද ගොඩක් වෙලාවට serve කරන කෙනෙක් අතින් සිදුවෙන වැරදි වලට ගෙවන්න වෙන්නේ ඔවුන්ගේ පඩියෙන් . ඒ ලාවා කේක් දෙකේ මිල රුපියල් 600 පමණ වෙනවා . අපි දෙන්නා කොච්චර උත්සාහ කළත් එහි මිල ගෙවන්න, ඔවුන් අපිට එයට ඉඩ දුන්නේ නැහැ. ඔවුන්ගෙන් සිදුවුනු ප්‍රමාදයට ඒක gift එකක් විදියට අපිට දීලා සුහද සමුදීමකුත් අපිට ලබා දුන්නා . ඇත්තටම අපිට ඒකට දුක හිතුනේ ඒ ලාවා කේක් දෙක වෙනුවෙන් ඒ girl ට ගෙවන්න වෙයි කියල හිතලා .ඒත් පස්සේ ඒකෙ manager කිව්වා එහෙම ප්‍රශ්නයක් වෙන්නේ නෑ කියලා .

ඇත්තටම අපිට හරි පුදුම හිතුනා . විශේෂයෙන්ම ඒවගේ තැනක ඒ වගේ නිහතමානි පිරිසක් සේවය කරනවා කියලා දැක්කම . සමහරවිට ඒ අපි දෙන්නගෙ ඉවසීම වෙනුවෙන් ඔවුන්ගේ කෘතගුණ සැලකීමක් වෙන්න ඇති .මොකද සමහර අය මේ වගේ තැනකට ගියාම විනාඩි දහයක් පරක්කු වුණත් , පුංචි අතපසුවීමක් වුණත් ගොඩක් ලොකු ප්‍රශ්නයක් බවට පත්කරගෙන කෑගහලා, එතන සේවය කරන අයටත් bad review එකක් දීලා තමයි එතනින් එන්නේ. ඒක ඒ සේවකයන්ගේ රැකියාවටත් ප්‍රශ්නයක්. මොකද මිනිස්සු අතින් නෙහ් වැරදි සිද්ධ වෙන්නේ. කොහොමහරි ඉතින් අපි ඔවුන්ටත් ස්තූති කරල , ගෙදර ආවම ඔවුන්ගේ සේවය ගැන හොඳම review එකක් දෙන්නත් අපි අමතක කළේ නැහැ .