හදවතේ ගායිකාව | 5% to SL Charity

අපි ගොඩක් දෙනෙක්ට කැමතිම ගායකයෙක් ගායිකාවක් ඉන්නවා. මට කැමතිම ගායකයො කිහිප දෙනෙක්ම හිටියත්(කසුන්, අමරසිරි පීරිස් මහත්මයා, ගුණදාස කපුගේ මහත්මයා), කවුරුහරි මගෙන් කැමතිම ගායිකාව කවුද අහුවොත් ඒකට උත්තර දෙන්න ගොඩක් කල්පනා කරන්න වෙනවා. ඒ ටික කාලෙකට කලින්. දැන් මගෙන් කවුරු හරි කැමතිම ගායිකාව කවුද අහුවොත් මං හිතන්නවත් කල් නොගෙන කියවි අභී කියල.

_source
ඇය අභිශේකා විමලවීර. ගීතගායනයට අමතර පද රචනයටත් ඇය දක්ශයි. ඊට අමතරව මං දන්න තරමින් ඇය කථිකාචාර්යවරියක් හා රූපලාවන්‍යශිල්පිනියක්. මං නොදන්න පෞද්ගලික තොරතුරු ගොඩක් ඇති. මං දන්න දේ නම් ඇය මගේ හදවතේ ගායිකාව. ඇයි මං එහෙම කියන්නෙ.

ගොඩක් කාන්තා ගායිකාවන්ට තියෙන්නෙ වැළපෙන කටහඬවල්. වැඩිවෙලා අහගෙන ඉන්න බෑ. අපහාසයක් නෙවෙයි. මගෙ කැමැත්ත හා අකමැත්ත. අභිශේකාගෙ කටහඬ වෙනස්. අහන් ඉන්න පුළුවන් ඕන තරම් වෙලා. අඬවැඩියාවක් නෙවෙයි. හිතට දුක හිතෙන ඕන වෙලාවක මං තෝරගන්නෙ ඇගේ ගීතයක්.

මෑතකදි එළිදැක්වුණු "මතක" ගීතය නිසා ඇය බොහෝ දෙනාගෙ ආදරය දිනා ගත්තා. ඒ ගීතය ගැන සිංදුව නිකුත් වුණ අලුත මං කතා කරා මට මතකයි. Got Addicted to a New Song ! | Another New Song to Playlist😍. මං ඇයට මගේ ප්‍රියතම ගායිකාව විදියට පත්වීම දුන්නේ ඊට ගොඩ කාලෙකට කලින්.

මට මතක විදියට ඒ 2015. ඊටත් කලින් මං ඇගේ ගීතවලට කැමති ද කියල මට හරි මතකයක් නෑ. ඒ සිංදුව "සීමා නෑ". එළි දක්වල තියෙන්නෙ මීට අවුරුදු නවයකට කලින්, 2012 දි. අභිශේකා ඒ කාලෙ එච්චරම ප්‍රසිද්ධ ගායිකාවක් නෙවෙයි. එයින් පස්සෙ ආපු එයාගෙ හැම ගීතෙකටම මං කැමතියි.

"රිදී රිදී" ඇගේ තවත් ජනප්‍රිය ගීයක්. "නිස්සාර" තවත් ආදරේ වැළඳගත් ගීතයක්. ඇගේම ගීතවලට අමතරව විවිධ වැඩසටාහන්වලදි ගායනා කරපු ගීතත් ගොඩක් තියෙනවා ඉතාම ලස්සන. තාමත් ඇගේ රසිකාවියක් නෙවෙයි නම් මං ඔබට ආරාධනා කරනව, එක ගීතයක් අහල බලන්න. ඇබ්බැහිවෙන සුළුයි.