රසම රස දෙල් බැදුම

මගේ අසල්වසියගෙන් අද මට දෙල් ගෙඩියක් ලැබුන. වෙනද මම හරි ආශයි දෙල් උයල කන්න. අදත් ආශා නැතිව නෙමේ, මට හිතුන දෙල් බැදලා පැණි දාල මගේ ලේලිට දෙන්න. මොකද මේ දවස් වල ඒ වගේ කෑම එයාලට හරි වටිනවා. කටේ තියන අමි රස ගතිය නැතිවෙලා යන්න හැම තිස්සෙම ඔය වගේ කෑම, ඇබුල් ජාති එහෙම කන්න හිතෙනවා. ඒ නිසා මම හිතුව දෙල් බැදලා එයාට කට ගැස්මක් හදල දෙන්න. ඉතින් මම ඒක හදපු විදිය ඔයාල එක්ක බෙදා ගන්න හිතුව.

පළමුවෙන්ම දෙල්ගෙඩිය මම පහලින් පෙන්වා දී ඇති පරිදි පුංචි තීරුවලට කපා ගන්න. කහට පිපෙන නිසා කහ පොඩ්ඩක් අත ගාන්න අමතක කරන්න එපා.

ඊට පස්සේ තෙල් ටිකක් ලිපේ තියල ගැඹුරු තෙලට පොඩ්ඩ පොඩ්ඩ දාල බැද ගන්න. ඔය විදියට ඔක්කොම දෙල් ටික බැදුනට පස්සේ පැත්තකින් තියන්න.

මි ලඟට සාස් පානකට සීනි කෝප්ප බාගයක් විතර දාල පත් පැණි වෙන්න ඇරලා උණු වතුර ටිකක් එක් කර හොදින් හැඳි ගාන්න . ඒකට දිය ලුණු ටිකක් එක් කරන්න අමතක කරන්න එපා. පස්සේ පැණි ටික හොදට උණු වුනාට පස්සේ බැදලා පසෙකින් තියා ගත් දෙල් ටික එකතු කර හොදින් කලවම් කරන්න. විනාඩි දෙකකින් විතර පසු භාජනයේ ඇති පැණි ගෑ වුණු දෙල් ටික වෙනත් භාජනයකට මාරු කරන්න. නැත්නම් රස්නේ වැඩි කමට කර රස එන්න පුළුවන්. නිමෙනකම් ඒ භාජනයේ තුනී කර තබා නිමුණු පසු හොදින් සීල් වෙන භාජනක්ට දමා වසා තබන්න, ඉන් පසු ඔබට අවශ්‍ය ඕනෑම මොහොතක එයින් ටිකක් අරගෙන රස බල්ලන්න. ඔබත් පුදුම වේවි ඒ රසටය.

මෙසේ හදා ගත්ත දෙල් මම නම් භාජනයකට දාල වහල මගේ ලේලිට ගෙනෙහින් දුන්න ඕනේ ඕනේ වෙලාවට අරන් කන්න කියල. එයා පැණි රස කන්න දෙයිය. හිනාවෙලා බදා ගත්තේ අනේ අම්ම ඒක නම් හරි ෂෝක් කියල. ඉතින් අපි මහන්සි වෙලා හදල දෙන දෙයක් කවුරු හරි ආශාවෙන් කනවනම් අපිටත් සතුටුයි. ආයේ දවසක තවත් මොනවා හරි හදල දෙන්න හිතෙනවා. කන්නේ නැති වුණත් කවුරු හරි මොනවා හරි දුන්නම ඒක අගය කරන්න පුරුදු වෙන්න. ඒවා තමා අපේ හැදියාවන්ගෙන් එකක් වෙන්නේ.

ඉතින් ඔයාලට ගොඩක් ස්තුතියි මගේ දෙල් බැදුම හදන හැටි කියෙව්වාට. පොඩි feedback එකකුත් දාගෙන යනවා නම් තවත් හොදයි.

සුභ දවසක්.