(වල්) බල්ලෙක් ඇති කිරීමේ වාසි.....

බල්ලෝ ඇතිකරනවා කියන්නේ හොද විනෝදාංශයක්.විවේකයෙන් ඉන්න වෙලාවක බල්ලෙක් එක්ක ඔට්ටු වෙනවා කියන්නේ දවසෙම ස්ට්‍රෙස් එක නැතිවෙන්න හේතුවක්.ඒ වගේම ගෙදරට වෙලා තනියෙනම ඉන්න කෙනෙක්ට බල්ලෙක් දෙන්නෙක් හදාගත්තොත් දවස ගෙවීයනවා දැනෙන්නෙවත් නැති වේවී.මේ විදියට බල්ලෝ ඇති කිරීම අද වෙනවිට නම් ෆැෂන් එකක් වෙලා තියන්නේ.දැන් දැන්නම් කට්ටිය එකට එකතු උනාම තමගේ ගෙදර බල්ලා ගැන බොහෝම උජාරුවෙන් කතාකරන විදියත් මට ඇහිලත් තියෙනවා.

අද මම කියන්න යන්නේ ලොකු ලොකු බ්‍ර්‍ර්ඩ් වල බල්ලෝ ගැන නෙවෙයි.පාර තොටේ ඉන්න එහෙමත් නැත්තම් (වල්) බව්වෙක් ඇති කිරීමේ වාසි ගැනයි.

source

01.(වල්) බව්වෙක් ගැනීම,

හොද බල්ලෙක් ගන්නනම් සල්ලි ගොඩක් යනවා.පැටවා පොඩි වුනත් රටින් ගෙනාව පැටියෙක්නම් අපිට ලොකු මිලක් දෙන්න වෙනවා.මම කලින් සටහනක ඒ දේවල් කිවුවා ඔයාලට මතක ඇති.ඒත් මේ (වල්) බල්ලෙක් හොයාගන්න එකනම් අමාරු වැඩක් නෙවෙයි.ලේසියෙන්ම ලගපාත පන්සලෙන්,ගෙදරකින් මේ බව්වෙක් හොයාගන්න පුලුවන්.මේ බව්වෙක් ගන්න අපිට මිලක් යන්නේම නැති තරම්.

02.ලේසියෙන් නඩත්තු කර හැකිවීම,

අද රටේ තියෙන වාතාවරණයත් එක්කම රටින් හොද බල්ලෙක් ගෙනත් එයාට වියදම් කරන්න ගොඩක් අයට අමාරුයි.විශේශයෙන් යුරෝපීය රටවල බව්වෙක් ගෙනත් අපරටේ නිවර්තන වටපිටාවේ හදන්න ගොඩක් වියදමක් යනවා.ඒ වගේම නිය කපන්න,ලෝම හරියට පීරන්න වගේ ගොඩක් වැඩ කරන්න ඕනා.නමුත් (වල්) බව්වට මේ වගේ නඩත්තු කරන්න ලොකු වියදමක් යන්නේ නෑ.බලු ෆවුඩර් එකක් සබන් කෑල්ලක් පණු පෙති ගන්න පොඩි වියදමක් විතරයි යන්නේ.

source

03.වෛද්‍යාධාර අඩුවීම,

වංශවත් බව්වන්ගේ පෙනුම ගොඩක් ආකර්ෂණීයයි.ඒ විදියට පෙනුම ගන්න ගොඩාක් වියදම් කරන්න ඕනි.නියමිත බෙහෙත් දෙන්න ඕනා.විටමින් ආදි ගොඩක් පෝශණ ලබාදෙන්න ඕනි.අපේ මේ (වල්) බව්වෝ නැත්තම් පාරෙ ඉන්න බව්වෝ ගොඩක්ම අපේ රටේ ආහාර රටාවට අනුගත වෙලා ඉන්නේ.ඒ වගේම අපේ මේ (වල්) බව්වන්ගේ ප්‍රතිශක්තිකරණයද හොද බ්‍ර්‍ර්ඩ්වවල බව්වන්ට වඩා හොද මට්ටමක තියෙනවා.

04.සමාජ සත්කාරයට දායකවීම,

දැන් ඉස්සර වගේ බලු වෑන්වලින් ඇවිත් පාරේ ඉන්න බව්වන්ව මරන්නේ නෑ.මොකද අද පාරේ ඉන්න බව්වන් මැරීම නිතීයෙන් තහනම්.නමුත් ලංකාවේ බව්වන් නිසි ආකාරයේ පාලනයක් සිදුවන්නේ නෑ.මේ නිසා මගහැරෙන බව්වන්ට තිරිසන් මිනිසුන්ගේ දරුණු ගල් පහරවල්,වතුර ගැසීම්,පයින් ගැසීම වගේ අනේකවිද කරදර විදින්න වෙනවා.අද සමාජයේ අපේ සම්හර පොශ් උදවිය පාරෙ ඉන්න බව්වෙක් නගුට වනන් ආවත් ඌට දුප් -----බල්ලා කියා අහුවෙන එකකින් ගහන තත්වයක් තියන්නේ.පාරෙ ඉන්න මේ බව්වෝ හොයන්නේ ආදරය,කරුණාව,මොකද එයාලට කවදාවත් ආදරය,කරුණාව ලැබෙන්නේ නෑ.පොඩ්ඩක් ඔලුව අතගාලා කෑම ටිකක් දීල බලන්න ඒ බව්වට ඒ දේ මැරෙනකල්ම මතකයි.අපිට කරදරයක් වෙන තැන ඒ බව්වා හිටියොත් අපිට උදව්වක් කරනාවමයි. ට්‍රෙන්ඩ් එකට පාරේ බව්වන්ට උදව් කරන්න එපා.තමන්ගේ හිතට එකගව උදව් කරන්න.

source

05.නිවසේ ආරක්ෂාව සහතිකවීම,

නිවසේ ආරක්ෂාවට අදනම් CCTV වැනි උපකරණ යොදවනවා.ඒත් ඉතින් ඒවාගෙන් සර්පයෙක්,මුගටියෙක් වගේ සතෙක් ආවොත් බලාගන්න අමාරුයි.හොරෙක් ආවත් පුළුවන් වෙන්නේ හොරා පැමිණි බව තහවුරු කරගන්න විතරයි.බව්වා යනු කාලාන්තරයක් තිස්සේ මුර වැඩේට හුරුවුනු ඩයල් එකක්.මිනිසාට වඩා සංවේදන හැකියාවක් බව්වන්ට හිමිවෙනවා.අපට නොපෙනෙන රාත්‍රී කාලයේදී බව්වා ඉවෙන් මෙන් අනතුරු හදුනාගන්නවා.ඉන් පසු අපිව දැනුවත් කරනවා.ඉතින් පාරෙ ඉන්න බව්වෙක්ව අරන් හදාගත්තොත් ආරක්ෂාව හොදින් සපයාගන්නත් පුළුවන්.

මම අත්දැකලා තියෙන ආකාරයට පාරේ බව්වෙක් අපෙන් බලාපොරොත්තු වන්නේ ආදරය,කරුණාව,රැකවරණය පමණයි.ගොඩක්ම පාරේ බව්වන්ට කලෙහිගුණ සැළකීමේ ගතිගුණය හොදින්ම තියෙනවා.දැක්ක තැන ගලකින ගහන්නේ නැතිව පාරේ ඉන්න බව්වන්ටද ආදරය කරමු.

ස්තූතිය!
🙏