کمیونیٹی کے ممبران کے لیے خصوصی دعا

آج کی صبح

دوستو آج 21 جون بروز منگل کا دن ہے میں صبح سویرے اٹھا اور سب سے پہلے میں نے پانی کی ٹینکی کو بھرا۔ کیونکہ کل شام سے لائٹ نہیں تھی اور پانی بھی ختم ہو چکا تھا۔ موسم بہت خراب تھا کل شدید بارش ہوئی اور بہت زیادہ طوفانی ہواؤں کی وجہ سے بہت زیادہ نقصان ہؤا ہے۔ بہت زیادہ درخت ٹوٹے ہیں اور بجلی کے پول بھی گر گئے ہیں۔ پانی بھرنے کے بعد میں نہایا اور مسجد میں نماز ادا کرنے کے لیے چلا گیا مسجد میں نماز باجماعت ادا کی اور پھر میں نے کچھ دیر کے لئے قرآن مجید کی تلاوت بھی کی۔ آج موسم بہت اچھا تھا صبح کے وقت بھی آسمان پر بادل چھائے ہوئے تھے اور بہت ٹھنڈی ہوا چل رہی تھی۔ میں واک کرنے کے لئے روڈ کے کنارے چل پڑا۔

میں نے 2کلومیٹر واک کی لیکن آج زیادہ واک کرنے کو من کر رہا تھا۔ سورج نکلنے کا نظارہ بہت خوبصورت تھا پرندے بھی بہت پرجوش تھے۔ زمین سے پتنگے نکل کر آسمان کی طرف اڑ رہے تھے۔ پرندے ان پتنگوں پر جھپٹ رہے تھے اور ان کو پکڑ کر خوب انجوائے کر رہے تھے۔ ہر جگہ کھیتوں میں پانی بھر چکا تھا۔ میں بھی اب گھر کی طرف روانہ ہو گیا گھر پہنچ کر میں نے کچھ دیر آرام کیا۔ میری بیوی بھی ناشتہ تیار کر چکی تھی ہم سب نے دستر خوان بچھایا اور اکٹھے بیٹھ کر ناشتہ کیا۔ مجھے دہی کے ساتھ ناشتہ کرنا بہت اچھا لگتا ہے۔ جب میں نے ناشتہ کر لیا تو میں جانوروں کے لئے چارہ لینے چلا گیا جانوروں کو چارہ ڈالا اور پھر میں اپنی دکان کی طرف روانہ ہو گیا۔

دکان میں مصروفیات

جب میں دکان پر پہنچا تو میں نے دکان کا دروازہ کھولا اور صفائی کرنے میں مصروف ہوگیا۔ ابھی میں صفائی میں مصروف تھا کہ ہلکی ہلکی بونداباندی شروع ہو گئی۔ میں بھی صفائی کرنے کے بعد کپڑوں کی کٹائی کرنے میں مصروف ہوگیا۔ جب میں نے نے ایک جوڑے کی کٹائی کر لی تو بارش تیز ہو چکی تھی۔ اور لائٹ بھی چلی گئی میں بھی لائٹ کے انتظار میں بیٹھ گیا۔ جب بارش رک گئی تو میں بھی دکان سے باہر نکلا اور موسم کا جائزہ لیا۔ میرے پڑوسی بھی میرے پاس دکان پر پہنچ گئے۔ ہم نے کچھ دیر بیٹھ کر موسم کو انجوائے کیا اور لائٹ نہ ہونے کی وجہ سے ہم گھر کی طرف روانہ ہو گئے۔

دوپہر کی مصروفیات

گھر پہنچا تو میں نے دیکھا کہ میرے گھر کے پاس بھی ایک درخت گرا ہوا تھا اور نشیبی جگہوں میں پانی بھرا ہوا تھا۔ کچھ ہی دیر کے بعد دوپہر کا کھانا تیار ہوا میں نے دوپہر کا کھانا کھایا اور موبائل فون کا ڈیٹا آن کیا اور یو ٹیوب پر ڈرامہ دیکھا ظہر کے وقت میں نے بہت خوبصورت مناظر دیکھے مغرب کی جانب سورج چمک رہا تھا اور مشرق کی طرف دھنک اپنے رنگ بکھیر رہی تھی۔ مکمل کمان بناۓ ہوۓ خوبصورت مناظر پیش کر رہی تھی۔ میں نے کچھ مناظر اپنے موبائل فون کی آنکھ میں محفوظ کیے اور پھر میں دوبارہ اپنی دکان پر پہنچ گیا۔ دکان پر پہنچ کر میں اپنی ڈائری تحریر کرنے میں مصروف ہوگیا میں امید کرتا ہوں کہ آپ دوستوں کو میری آج کی مصروفیات اور تصاویر بھی اچھی لگیں گی۔ میں اب آپ سے اجازت چاہتا ہوں اللّٰہ تعالٰی آپ سب کا حامی و ناصر ہو پاکستان زندہ باد

Photographer	Aamirhayat
Camera	mobile phone camera
Mobile phone	Redmi 9t
ISO	auto
Location	Mianwali Punjab Pakistan
Flash	No flash

Special mention to

@steemit-pak

@event-horizon

@vvarishayy

@hassanabid

for their support and guidance.