Badımcanlı İsti Salat ( Steem Foods İkinci Post)

Bu gün sizinlə olduqca iştah açan və ləzzətli bir salat resepti paylaşacam. Bu salatı həm isti həm də soyuq yemək olar. Badımcan sevməyənləri bu reseptlə badımcana aşiq etmək olar :) Elə isə vaxt itirmədən keçək reseptə

Badımcanlı isti salat üçün bizə lazımdır:

• Badımcan (4 ədəd)
• Pomidor (4 ədəd)
• Konserv göbələk ( 200 qr)
• Keşniş (2 dəstə)
• Şüyüd (1 dəstə)

Sous üçün:
• Zeytunyağı ( 30 ml)
•Xardal (1 ç.q)
• Paprika(1 ç.q)
• Duz (1 ç.q)
• Reyhan qurusu (2 x.q)
• Alma sirkəsi (2 x.q)

Hazırlanma qaydası :

İlk öncə badımcanları yuyub dördkünc formada bıçaq vasitəsilə kəsin.

Üzərinə duz, paprika, zövqünüzə görə ədviyyatlar və zeytun yağı töküb, qarışdırın.

180 dərəcəli sobada təxminən 20 dəqiqə bişirin

Sonra göyərtiləri təmizləyin, yuyun və xırda-xırda doğrayın.

Pomidorları uzunsov formada doğrayın

Göbələyi ortadan iki hissəyə bölün

İki diş sarımsağı, sarımsaq əzənlə əzin

Sonra bişmiş badımcanı əlavə edin

İndi isə keçək sousun hazırlanmasına
Zeytunyağına duz, paprika, ədviyyat, alma sirkəsi və xardalı töküb yaxşıca qarışdırın.

Son olaraq sousu salatın üzərinə tökün, qarışdırın.

Və bu möhtəşəm reseptin dadını çıxarın 😋

Hamıya Uğurlar!