Nariét Peuintat Pehtem Lam Bahsa Aceh
Nariét peuintat pehtem lam Bahsa Aceh nyöe ulôn susôn ngôn meupeuluman nibak harah Bahsa Aceh nyang ka geuseusôn lé ureuéung tuha Aceh jaméun nyang gobnyan awai geumat jabatan sebagoe Ketuha Majeulih Ulama Indonesia (MUI) Pusat sideh di Jawakarta. Nan geuh Muhammad Hasan Basri, na neutuléh uléh droë neuh nyan Kamus Umum Indonesia – Aceh nyang jipeutibièt lé Yayasan Cakra Donya bak thôn 1994 dilèi.
Lam ulôn susôn haba nyöe na chiét lông côk bacut sapèu asöe Kitab Sastra Aceh, Sanggamara, kitab nyang Neutulèh lé Teuku Mansor Leupeung nibak thôn 1929, nyang geupeutubièt lé Teuku Mansor Foundation. Mandua kitab nyan, jeut keu peuluman lam tanyöe ta teumuléh harah bahsa Aceh.
Nariét ulon tuléh nyöe sebagöe ulang kaji keulayi bagi tanyöe ureuéung Aceh lam tateumuléh ngôn bahsa dröe teuh, sebagöe useuha tameureunöe keulayi cara tuléh bahsa Aceh ngôn aksara latèn, saweuéb endatu tanyöe jameuén neuteumulèh bahsa Aceh ngôn aksara Arab.
Ulôn meudoa bak Poteuh Allah SWT, nyan ulon tuléh nyöe beuna paidah keu siberangkasöe nyang tém baca. Ulôn meudoa bak Allah ngôn beureukat Saidil Umat ngôn mukjizat Muhammada. Allah Neubri beuseulamat, nyang lông hajat beu’ek leungka.
Meunyöe na salah ulôn tuan, beuneupeutrang ban yang beuna, sebab ulôn hana cakap karang haba. Nyang gét neutuéung nyak brôk neubéh, neucôk téh nyang meuguna. Nyan keuh kasad ulôn tuan, ngôn harapan beumeuguna.
Harah Bahsa Aceh
Yöh göh tameureunöe tulèh baca bahsa Aceh, peureulèe taturi dilèe tarèh harah lam bahsa Aceh. Meuseubab ngôn taturi harah jeut meuphôm bak mengui sigala tanda baca. Na padum-padum böh surah suai harah lam Bahsa Aceh. Nyan akan tasurah lam postingan laén, saweub nyoë tok sibagoe nariét peuintat sagai.
Jameuén dilèi kitab-kitab bahsa Aceh geutuléh ngôn abjad Arab. Barö bak thôn 1924 na kibat bahsa Aceh nyang geutuléh ngôn abjad laten. Nyan pih òhlhéuh Prof Snouck Horgronje geupeutubièt abjad laten keu bahsa Aceh lam buku Verspreide Geschriften nyang jipeutubiet di Holanda.
Ban kana buku nyan, padum-padum dröe ureuéng carông di Aceh masa nyan, mulai geuteumuléh kitab-kitab peungajaran lam bahsa Aceh ngôn abjad laten. Lagèe Nyak Cut ngôn Muhammad Djam, dua ureuéng nyan neutuléh kitab Batjut Sapeu. Cara peungajaran kitab nyan geupeutrang lè Muhammad Saleh lam kitab Puntja. Padum-padum thôn lhéuh nyan ureuéng Aceh kageuturi tuléh baca ngôn abjad laten.
Ban kana cara teumuléh bahsa Aceh ngôn akasara latén, lé Teuku Mansor Leupeung geucôk keu padoman lam geutuléh hikayat Sanggamara, nyang meumakna tulak bala. Hikayat Sanggamara geupeutubièt phôn that bak thôn 1924, geupeutubièt lom keulayi lé Teuku Mansor Foundation bak thôn 1970.
Bak thôn 1994 barö na geupeutubièt Kamus Umum Indonesia – Aceh, nyang geususôn lé Tgk Muhammad Hasan Basry. Kamus nyang dipeutubièt lé Yayasan Cakra Daru. Sinan lam kamus nyan kageupeutrang cara teumulèh bahsa Aceh ngon Ejaan Nyang Disampoereunakan (EYD). Padoman geususôn kamus nyan geucôk nibak Kamus Besar Bahasa Indonesia (KBBI) tahôn 1988. Dari sinan ludöe geupeugèt sistem Ejaan Bahsa Aceh (EBA).
Adak pih meunanbagöe, tuléh bahsa Aceh han saban ngôn tuléh bahsa Indonesia. Meuseubab na lafad khas bahsa Aceh nyang hana lam bahsa Indonesia. Bak lafat lagèi nyan geutamah tanda baca (diakritik) atawa huruh tambahan, yakni bak huruh majemuk ngôn konsonan rangkap. Tanda lagèi nyan geupena ngat bék kliru bak tafham makna kata.
Kali ukéu akan tameurunoë meubagaöe aksen lam bahsa Aceh, ngat jèut tatuléh baca ngôn bahsa dröe teuh. Saweub kheun Endatu lam hadihmaja, meunyoë kôn anoë mandul leuhöp, meunyoë kôn droë teuh mandum gob. Bek suét gléung meuh sôk gléung balöt, adat nyang patöt bék tatuka. Riwang keulayi puga budaya droë.
Saléum ulôn tuan
Iskandar Norman alias Nyak Kaoey Meureudu
Poto jaméun peureuéun bek hana gamba sagai [poto: ata droë]
Nah ini yang saya takutkan 🤣 tidak ada translator. Ini urusan @cicisaja ... Saya cuma bisa upvote Dan duduk di sudut menatap dinding😔
Santai aja, cint...ini pelajaran tentang sejarah bahasa Aceh Dan cara penulisannya yang benar. Dibacain juga repot😃
Yang penteng cut nyak Cici senang, yang lain mboten important
Minta diajarin bahasa Aceh bang sama @cicisaja biar nyambung he he he
Takuutt... Hahahaha ngomong nya campur inggris, puyeeeng
Nikmati saya Bang @dipoabasch ini juga bagian dari upaya menyenangkan Kak @cicisaja dengan Pehtemnya itu.
Iya bung @isnorman...masalahnya saya nggak ngerti dia ngomong apa Dan kelihatannya asyik banget
Anggap aja hiburan bang, dinikmati aja.
Nyan ban bak drou neuh Nyak Kaoey Meureudu, ladom di kamoe Aceh Utara syit batat han tem ngui diakritik saweub tan meutu'oh cara 🤣 han ta tupat peuteupat yoh ji teubit "ngen kamoe punteuet pue meudawa"
Tapi nyou suwah loen tuan beu'ot jaroe manduwa blah ateuh jeumala 🙌 Sabah!
Mudah that cara ketik jih hai, beok sagai selah jih, lagee taketik biasa sit lam bahsa laen.
Droun han neu teu'oh HP pipilu loen 😭 deugee teuh
Bacut-bacut tameureunoë saban-saban, ukèu akan ulon peutrang lam postingan laén.
Bereh
Sama sama tapeubereh nyang peunteng pehtem beujalan
Hana pat bantah lee nyan, ka trok bak panglima...
na saja idroeneuh, neu hayak ju pehtem lam bahsa Aceh @munaa
Inysa Allah, ka bereh nyan, julukan pih kana dari admin, hehehe, pawang bhan, mantap nyan, langsong cok sineuk...
ilong Teungku Kadi geboh lakab le @cicisaja aleh peu masud he he he
Lagee Kadi Meukuta Alam, ureung peuteupat miseu na dispute lam hukom bahsa 🤣
raya payang lakab neujok lagoe @cicisaja, bah Syeh Kuna mantong tukang peuglah dawa (juri) lam meurukon he he he
Bek ilee... Teungku Kadi Malikul Adil peu Teungku Kadi Syahibul 'adil ...nyang geumat lee Teungku Syiah Kuala away🤔
Teungku Syiah Kuala Qadhi Malikul Adil Mufti Besar Kerajaan Aceh.
Kop krak tulesan nyan, Nyak Kaoy. Nyoe saboh cara untok peuturi basa Aceh u donya lua.
Bacut-bacut tapeuturi keulayi aduen @ayijufridar nyoe untuk memenuhi maksud kak @cicisaja lam grop Pehtem, ngat meusigak bacut bahsa Aceh.
Loen Kan bang @isnorman, lam ulee loen, bang ayi nyou cerpenis Anita Cemerlang favorite loen, jadi adak pih gobnyan Steemian, jurnaleh dan dosen, han meutuka sagai
Nyan hana pat bantah ka jithe le kaphe soal nyan.