Magandang buhay po sa lahat ng mga kapwa ko Filipino.

Nalulugod po ako na maging bahagi ng kumunidad na eto. Kaya bilang simula ay nais ko pong magpakilala.
Ako po si Nongni, ngunit pwede nyo akong tawaging CJ, labing- walong taong gulang at kasalukuyang nag- aaral. Ako po ay nakatira sa lalawigan ng Pangasinan.

Ang pangalan kong Nongni ay hango sa palayaw ng karamihan sa akin— ninong. Noong nagkamuang na ako, hindi ko gusto etong palayaw sa akin dahil para sa akin ay tawag eto sa mga matanda na. Pero nung nagtagal, nasanay at nagustuhan ko na rin dahil madami ang natutuwa. Biruin nyo po, bata pa lamang ako, isa na akong ninong. Ngunit, hindi ako mapera. 😁

Single parent po ang nanay ko. Meron syang maliit na Sari- sari store kung saan kumukuha ng ikinabubuhay namin. Nakikita ko ang paghihirap nya. Kaya bilang isang anak, pinagbubutihan ko ang pag- aaral ko ng sa gayon ay makahanap ako ng magandang trabaho at matulongan ko sya balang- araw.

Ngayong pandemya, bukod sa pag- aaral online, ang madalas kong pinagkakaabalahan ay ang pagkuha ng mga litrato at mag-edit, mag-gitara at paglalaro ng basketball.

Heto naman ang ilan sa mga kinunan ko ng larawan at na-edit gamit ang Snapseed, Lighroom at PicsArt sa aking Cellphone.

Heto po at gumawa kami ng Basketball Ring upang sa ganun ay makasunod sa protocol na huwag lumabas ng bahay kung hindi kinakailangan.

Ginawa namin eto ng tito ko. Sa katunayan, kamakailan ay sinamahan ko sya sa paggawa ng iba’t- ibang bagay na gawain ng karpentero. Kaladasan sa mga nagpapagawa sa amin ay mga kaibigan or kamag-anak. Madami akong natutunan. Nakatulong eto para makaipon ako ng pera at masuportahan ko ang aking sarili sa gayon ay hindi gaanong mahirapan ang aking ina. Masarap pala sa pakiramdam yung pinaghihirapan mo ang isang bagay.

Sa ngayon ay wala kaming proyekto ng tito ko. Buti nalang ay nandito ang Steemit at ang SteemitPhilippines. Inudyukan ako ng aking mga tito at tita na sina @atongis @el-dee-are-es na sumali sa komunidad na eto. Sa katunayan, wala pa akong gaanong kakilala. Sana sa panimula kong eto, ay madami na akong maging kaibigan na kapwa ko Filipino. Ayun lamang po sa ngayon.