Ijadah Ileume Teungku Chik Awe Geutah
Hubongan Al-Mijazi ngoen Teungku Chik Awe Geutah jeut takaloen lam saboeh naskah nyan jinoe teusimpan di Awe Geutah. Sanad Al-Azkar ngoen Risyad Ash-Shalihin beugi Al-Imam Syaraf Ad-Din An-Nawawi Rahimahullah Rahikumullah. Faqir keu Allah Ali Ibnu Az-Zain Al-Mijaz, adak jeut Allah peu payang umu droe neuh nyan.
Rumoh khalud Teungku Chik Awe Geutah
Neukheun : "Sunggoh ulon ka lheuh bri peunutoeh keu gata aneukda nyang saleh Abdur Ar-Rahim Al-Asyi meunan ciet lagee ka kalheuh geubri peunutoeh keu ulon bandua (Al-Azkar ngoen Risyad Ash-Shalihin) ayahda, wali nyang samporna lagi leungkap ngoen Al-Atifbillah, Az-Zain bin Muhammad Al-Mizjaji". Ngoen nyoe jeut keu bukti pakiban keuh hubungan urueng cendikia (intelektual) Aceh ngoen bandum ulama rayeuk yang na di jazirah Arab.
Ijadah ileumee nyan jeut keu saboeh reusam ceureudek Islam. Saboeh keuharoisan guree geubi ileumee murid geuh supaya ileumee nyang geubri nyan keu lunak nyang kuat. Peunulang ijadah nyoe ka meureusam lam bideung urueng meuileumee di Timu Teungoeh hingga sampe an jinoe mantoeng geupubuet.
Meuye ta seulidek keubit seidiek ijadah ileumee nyan hingga troek bak Teungku Awe Geutah meuteumeung sanad ileumee nibak ulama rayek, nyang murid - murib gobnyan dum ka meugah lam rantoe Asia Teunggara yakni Ibrahim Al-Kurani.
Lagee teuseudek nyoe :"komudian , sunggoh ka lheuh geubri peunutoh keu lon uleh Syaikhi lagi Quduwwati, sidroe ureung nyang seureuloe lagi sempurna Ali Ibnu Az-Zain Al-Kurdi Al-Kurani": Roet jalan ileumee nyoe keuh jeut ta tukri bandum guree - guree Al-Kurnai nakeuh Ahmad Shinawi ngoen Abdul Karim Al-Kurani nyang peuluwah tarikat Ahattariyah di Haramein.Keureuna nyan hanle teukeujot teuh meuyoe Teungku Awe Geutah ngoen adoe geuh nyang peuluwah tarikat Shattariyah di Aceh nyoe.
Bukeuti jih di Awe Geutah ngoen Samalangan le that mantoeng peungikot tarikat nyoe, hana peu ta peugah lam paduep - paduep boh wilayah di Aceh.Geupeugah lom lheuh di Aceh, Teungku Awe Geutah meusigoe ngoen adoe geuh Syeikh Abdussalam nyang tinggaki Lamkabu, Seulimuem, Aceh Rayek, uleh Solutan Badrul Munir geulakee droe neuh nyan bandua jak u wilayah pante timu. Kereuna di Aceh Rayek kalheuh na Teungku Chik Tanoeh Abee nyang asai dari nanggroe Bageudad nyang peuluwah tarikat Shattariya.
Syeikh Abdussalam akhe teuma geucok keuputusan teutap geuduek di Cot Meurak Samalanga. Droe neuh nyan keuh nyang peudoeng Zawiyah (dayah) disinan hingga sampe sinoe mantoeng tinggai bukti sijarah jih.
Dayah Najmul Hidayah, Cot Meurak
Ehwai aduen ngoen geuh Teungku Awe Geutah teutap geuduek di Peusangan ngoen geupeudoeng saboeh Zawiyah (dayah) di Awe Geutah, geupeubulat pikeran seumeubeu Al Quran, hadih, fiqag ngoen tasawoh. Hingga Samalanga ngoen Peusangan ka jeut peundidikan dayah sampoe bak an jinoe.
Neubaca siet bak link nyoe : https://acehtok.000webhostapp.com/2018/08/ijadah-ileumee-teungku-chik-awe-geutah