വേനൽക്കാഴ്ചകൾ

in #malayalam3 years ago (edited)

Calendar.jpeg



കലണ്ടറിൽ നിന്നുമൊരു താൾ കീറുന്നു
സ്മരണയിൽ നാലാം ദിനം കുരുങ്ങുന്നു
മരങ്ങൾക്കപ്പുറം ചരിഞ്ഞു ശാന്തമാം
വിലാപമായ് നീലക്കടൽ കിടക്കുന്നു.


കറുത്ത പൊട്ടുപോലകലെ വള്ളങ്ങൾ
ധൃതിയിലെങ്ങോ പറക്കും കാക്കകൾ.
ഇരു കരങ്ങളിൽ ചുമലുയർത്തിടും
കടയ്ക്കരുകിലായ് പുകയു,മക്ഷമ.


വിയർപ്പുചാലുകളൊഴുകും കൗമാര-
കളിമിഴികളിൽ വറുതി ഗീതങ്ങൾ.
ചിരിച്ചെത്തും മഞ്ഞമലർമണിക്കുല,
ഇരുചക്രവേഗമിരമ്പും മാനസം.


തണലിൽ നീളുന്ന കറുത്ത പാതകൾ-
ക്കരികിലസ്തിത്വ വ്യഥകൾ തേങ്ങുന്നു.
മുഖാമുഖം നോക്കി മടങ്ങും പൊൻവെയിൽ,
മിഴികളിൽ യാത്രാമൊഴികൾ മങ്ങുന്നു.


ചെവിയിൽ കിന്നാരം കലമ്പും കാറ്റുമാ-
യകലേയ്ക്കു പായും ചുവപ്പുമേളങ്ങൾ.
കരളിൽ സ്നേഹത്തിൻ കിരണവുമായി-
ന്നൊരു മുഖം മാത്രം കൊഴിയാതെ നില്പൂ.

Sort:  

Nice👌👌👏👏💐💐