Pantun Aceh

Adak Kamoe Boh Bu Lam Pingan Puteh..
Hana Meu Tindeh Puduk Lam Tika..
Kamoe Di Duson Cukop that Peudeh
Cukop that Lipeh Hana Sapeuna..

Dak na meu meugoe dua lhe naleh
Ka di peu habeh but tikoh Rimba
Nyan yg na mudah eungkot teupayeh
Geumita sideh di pante raja

Nyan yg blah rot wie na udeung lipeh
Bak bineh rot deh na kuwah dalicha
Kurupuk teucroh pajoh beu abeh
Ie boh timon teukreh pih na di luwa

Tape ngon apam peugot le cut teh
Canggruk bupayeh santan u tuha
Pisang meu gantung ngon taloe tapeh
Oen bi u teukreh teurasi langsa

Dakna eungkot sie kabaroe kabeh
Maklum hai wareh rame syedara
Peugot khanduri meu sapeh sapeh
Bek jeut keu jaeh bak ureung lingka

Peu yg na mudah jeut tungku peu abeh
Jeut neu peugleh peu peu yg na
Kadang na tabeu keueung ngon peudeh
Le bawang puteh ngon gapu naga

Leupah halia ngon lada puteh
Kadang leupah peh but ureung tuha
Na leupah sira ka masen abeh
Salah geupileh geu sangka saka

Kadang ka reuhang lam udeung puteh
le kulet maneh ngon boh halia
Kadang cit masam bak eungkot payeh
Kaleupah geupeh boh asam jawa

Tabeu ngon masen hai tungku Lateh
Bek peugah keudeh wate neu gisa ..
Keu eung keueung campli Beureu eh
Yang leupah peudeh campli peudada
Carong Carong kamoe blang blah Deh
Han saban abeh ngon ureung kuta.....