ဖေဖော်ဝါရီလရဲ့ ရက်စွဲများအနက် 12,13,14
ရက်စွဲများကတော့ အမှတ်တရများဖြစ်စေခဲ့သည်။
12 ရက်က ပြည်ထောင်စုနေ့ဖြစ်သည်။
ပြည်ထောင်စုနေ့မှာ ရှမ်းပြည်နယ် ပင်လုံမြို့၌
ပြည်ထောင်စုနေ့ကျင်းပခဲ့သည်။ ထိုပွဲ၌
နိုင်ငံတော်သမ္မတကြီး ဦးဝင်းမြင့်က
အမှာစကားပြောကြားခဲ့သည်။ ထိုပွဲသို့
တက်ရောက်လာကြသည့် လူထုကို ကျွန်တော်စိတ်ဝင်စားမိသည်။

ထိုလူထုသည် ယခင်အစိုးရများလက်ထက်လို
မလာမနေရ၍ လာခဲ့ကြသလား။ စိတ်ဝင်စား၍ပဲ
ကိုယ်တိုင်တက်ရောက်လာခဲ့ကြသလား ဆိုတာ
သူတို့သာ သိကြလေမည်။

ဖေဖော်ဝါရီ 13 ရက်၊ ဒီနေ့က ကျွန်တော်တို့
အားလုံးရဲ့ လွတ်လပ်ရေးဗိသုကာကြီး ဗိုလ်ချုပ်အောက်ဆန်း၏ မွေး‌နေ့ဖြစ်သည်။ ဗိုလ်ချုပ်
မွေးနေ့မှာ မြို့တိုင်း၊ နယ်တိုင်း၊ ရပ်ကွက်တိုင်း
တွင် အမှတ်တရပွဲများ ကျင်းပပြုလုပ်ကြသည်။
ကျွန်တော်တို့ မန္တလေးမြို့မှာတော့ ယခင်နှစ်များက
ဗိုလ်ချုပ်မွေးနေ့မှာ ပဲပြုတ်နှင့်နံပြားကို
နေရာအနှံအပြား ကျွေးမွေးကုသိုလ်ပြုကြသည်။

သို့သော်ယခုနှစ်မှာတော့ ယခင်နှစ်များကလောက်
ကျွေးမွေးကုသိုလ်ပြုသူ နည်းပါးသွားသည်။
နည်းပါးဆို ယခင်နှစ်တွေက နံပြားတစ်ချပ်ကို
100ကျပ်သာပေးရသည်။ ယခုနှစ်မှာတော့
နံပြားတချက်ကို 300ကျပ်ဖြစ်နေသည်။

ဖေဖော်ဝါရီ 14ရက် ကတော့ သိတော်မူကြသည့်အတိုင်း လူငယ်တွေရဲ့ ပွဲပေါ့။ လူငယ်တွေရဲ့ပွဲမှာ
လူငယ်ပီပီ လွတ်လပ်ပျော်ပါးနိုင်ပါတယ်။
ဘာ မာယာ၊ ဘာ တဏှာဘီးလူးမှ မပါဘဲ
ရင်ခုန်ပျော်စေချင်ပါတယ်။
အချစ်တွေကို
ဖြူစင်ပါစေ၊
သန့်ရှင်းပါစေ၊
လူငယ်တွေရေ
အချစ်‌တွေ
အေးမြပါစေကွယ်။

@htwegyi
Photo @htwegyi
MSC.036