Sebi dem say If you dey sell cloth, you suppose dey wear better cloth. Make dem no say, Yes na cloth you dey deal with.

I check all the comment for here con see one guy wey dey sell upvote. The guy dey reputation 25, with $0.03 as payouts. Abeg, shey na joke be that one?

I for make una laugh this morning, but, I dey vex. Na since day before yesterday I dey expect light, dem con finally bring am come for midnight o. I cool down chat wella with hope say I go plug my phone con sleep.

I wake up this morning con see low battery.
My people, I forget to on socket, I just plug the phone go sleep and NEPA don carry light.