Mahina ka 

Hindi totoong

magtatagumpay ka,

Tanggapin mo nalang ang katotohanang

wala kang patutunguhan,

Wag kang maniniwala sa sinasabi ng iba na

matalino at magaling ka,

Alam mo sa sarili mo na

mapurol ang utak mo,

Itigil mo na yang pagpapanggap mo na

mahusay ka at may ibubuga,

Hindi mo ba nakikitang

nahihirapan ka na,

Wag mong isiping

hinahangaan ka nila,

Alam mo namang

wala kang halaga,

Lagi mo pa ring iniisip na

matatag ka pero

Ang totoo

Sobrang pagod ka nang patunayan ang sarili mo kasi

Ginagawa mo pa rin ang lahat kahit

Ilang beses ng pinamukha sayong hindi ka magiging sapat,

Hanggang ngayon lumalaban ka pa kahit

Mula pa noon

Talo ka na

Makinig ka sakin at hindi sa tinig na nagsasabing

Kaya mo pa.

(basahin ulit pataas)