Sunami Beuna Neu Ingat

Asai GambaBak thon 2004 nyang kaleupah na saboh musibah di nanggroe. Geumpa raya ngon sunami. Wateenyan lheuh geumpa raya rosak ubena geudong nyang na di nanggroe. Hana trep lheuhnyan teuka ie raya digulong rab sikhan nanggroe. Mandum ureung teukeujot. Ureung diplung keuno ngon keudeh dipeuseulamat dro.

Hana meusidro pih nyang sangka troeh ie raya. Di bineh laot pih get that jai ureueng jak meuramin. Lam siklep siklap teuka ie bak bineh pante, jilei laju u nanggroe. Ubena gampong hanyot ubena kuta hanco disampoh le ie raya. Dumna ureung matee bak masa nyan.

Meureutoeh ribe jeut keu kurbeun bak uroenyan. Dum mayet di nanggroe mesuiprek rata sago. Moto ngon rumoh mandum reumok hanco but ie raya. Hana so sangka jeut lageenyan. Musibah raya but Po nyang hanjeut talawan.

Musibah lageenyan nakeuh saboh cara geuteugor geutanyo le Po mangat sadar. Mangat bek le tapeubut maksit. Wateenyan pih nanggroe teungoh lam prang.

Nyan manteng Tuwanku peu ingat bak gata mandum. Nyan musibah tegoran Po beuna neu ingat. Bek le peubut maksit lam donya.

---

Posted from my blog with SteemPress : http://mitapeng.com/sunami-beuna-neu-ingat/

---