Tunay na Yaman

Masaya ako ikaw ay nakahanap na
Babaeng ihaharap sa dambana
Nakita kong mahal na mahal mo siya
Ngunit may pagaalinlangang nadarama


Siya ay nagtrabaho sa ibang ibayo
Iniwan ka at piniling lumayo
Pumatak ang iyong luha nang ika'y niloko
Mayroong ibang mahal ang babaeng pakakasalan mo


Ako'y naguluhan sa damdaming naramdaman
Doble ang sakit nang ika'y nasaktan
Hindi namalayang nahulog na sa'yo
Mahal na pala kita higit pa sa sarili ko


Ang maikling kwentuhan ay napapadalas
Bumabalik ang ngiti sa iyong labi kapag tayo'y magkausap
Ako'y natakot paano kung magtapat?
Paano ko malalaman kung ako ba ay sapat

Lumayo ako sa'yo upang mapagtanto
Kung sigurado naba sa nararamdaman ko
Ikaw ay nagtaka sa aking pakikitungo
Ngunit ayaw kong masanay, ikaw ay laging nasa tabi ko


Ako'y lumapit sa Maykapal
Ikaw naba ang tugon sa matagal nang dasal
Hanggang dumating ang araw na hinihintay
Ika'y nagtapat ang puso mo'y inialay


Ako'y nagisip kung ano ang sasabihin ng mga tao
Ngunit pinili kong ipaglaban ang pagmamahal sa'yo
Buwan ng Disyembre, tayo'y ikinasal
Bawat araw na nagdaan nagiging matatag habang tumatagal


Akala ko maayos na ang pagsasama
Isang tawag ng iyong nakaraan at ako'y nabahala
Kumabog ang dibdib di makaidlip
Ako ba'y iiwan mo dahil siya ay nagbalik


Ako ay natakot at hindi nagtanong
Inihanda ang sarili sa iyong desisyon
Ngunit akoy napaiyak sa saya ng ikaw ang nagwika
Mahal kita at dina kita ipagpapalit pa sa kanya


Salamat at nagtiwala ako
Salamat at pinagtagpo
Nakita ko ang tinatagong kinang
Ikaw ang aking tunay na Yaman