Word Poetry Challenge #2 : Huling Sayaw

Ating huling sayaw, ay tila ba’y kay saya
Sa akin lang nakatitig ang iyong mga mata
Sabay umiindak ang ating mga paa
At kitang kita ko ang mga ngiti sa labi mong kay ganda

Ngunit sadyang mapaglaro nga ang tadhana
Ang mga plano natin sa ating pagtanda
Ay biglang nawala
Na para bang bula

Lahat ng nangyari sa’tin noon ay naglaho na
Tanging lugar mo lang sa puso ko ang natitira
Pero lahat ng iyon ay hahayaan ko na
Dahil alam kong ikaw ay masaya na
Dyan sa taas, kasama ating Poong ating Ama

Ito ay ang aking entry sa palahok ni @jassennessaj na word poetry challenge.