The Diary Game Season 3, Week #18 | September 08, 2021 | Maulan na panahon kasama ang pamilya

Magandang hapon po sa inyong lahat @steemitphilippines family. Naway nasa mabuting kalagayan naman po kayong lahat.

Nais ko pong ibahagi sa inyo ang araw na ito na pag gising sa umaga ay laging may pag asa. At dahil po dyan, gusto ko pong ibahagi sa inyo ang natuklasan ko pong inumin upang makadagdag ng lakas para sa pang araw-araw na gawain natin lalong lalo na po sa ating mga magulang na maraming gawain sa maghapon.
Ito po ay ang Igco milk na may colostrum po galing sa baka mula sa New Zealand. Eto po ay nagboboost ng immune system.
Bago po ako namili nito inalam ko po muna kung ano po ang benepisyo nito sa ating katawan.
At napag alaman ko rin po na ito po pala ay iniinom ng mga may sakit sa leukemia dahil ito po ay nagpapalakas ng kanilang resistensiya. Yan po ay nalaman ko sa isa kong kaibigan na ang anak niya ay may sakit noon na leukemia. Ngunit sa kasamaang palad, ang kanyang anak po ay pumanaw na.
Kaya ako po ay nacurious at napabili upang matikman at malaman ang benepisyo nito sa aking katawan. At hindi po ako nagkamali dahil talagang nagbibigay siya ng kalakasan sa aking katawan para mas maging masigla sa araw-araw.
Ito po ang Igco milk na iniinom ko po sa umaga "empty stomach" bago po ako mag almusal.

Sunod naman po na aking ginagawa ay ang pag gagantsilyo habang tulog pa po ang aking mga anak sinasamantala ko pong gumawa para po makatapos ng order at makatanggap po ulit ng panibagong order.

Yan po ang aking mga nagawang gantsilyo na tamang tama po ngayong may pandemya. Ang tawag ko po diyan ay crochet lanyard na sinasabit po sa ating facemask upang hindi po natin basta basta nilalapag ang ating facemask kung saan-saan. Kaya laking pasalamat ko po at may mga taong patuloy na nagsusuporta sa aking munting negosyo.

Pag gising naman po ng aking mga anak pag katapos nila kumain ay playtime na po syempre. Ang bunso ko po ay binilhan namin ng writing book na pwede siyang magsulat at magdrawing.

Para naman po sa aking panganay na anak, ang aming binili sa kanya ay tinatawag po na paint by numbers. Siya po ang nagrequest niyan dahil nakita niya daw po sa isang palabas na pinapanood niya.

Makikita niyo po ang obra ng aking anak at talagang nakakaproud po dahil ito ay kanyang natapos. Kaya ang sabi ko po sa kanya ay isasabit po namin ito sa kwarto para araw-araw niya itong makita at lalo pa siyang mainspire sa pag gawa.

Sa hapon naman po after namin maglunch, kanya kanya na naman pong gawain. Ang aking dalawang anak ay naglalaro habang ako naman po ay nanonood ng aking paboritong palabas sa hapon na ang title ay "nagbabagang mga luha".

At habang nanonood, hindi mawawala ang merienda sa hapon. Ito ay ang putobumbong de leche bagong version po ng putobumbong na nilagyan ng leche flan sa ibabaw at ang mainit na tsokolate. Hindi po kasi ako mahilig sa kape dahil kapag po ako'y nakakainom at naparami ng inom ako po ay nakakaramdam ng palpitation.

Sa tuwing nakakakain po ako ng putobumbong ramdam ko na po talaga ang simoy ng pasko. Malapit na po ang pasko at ang hiling ko po ay naway matapos na po ang pandemya na nararanasan natin upang magkasama sama na ang bawat pamilya. Lalo na po yung ibang tao na nasa malayong lugar na matagal ng hindi nakauwi dahil sa pandemya.

Kasabay po ng panonood sa hapon at pakikipaglaro sa mga bata. Kami naman po ay nahihintay sa pagdating ng aming haligi ng tahanan. Sa umaga po kasi ay nagtratrabaho po siya sa aming munting printing shop at bandang alas kwatro ng hapon ay dumarating na po siya.
Sa araw-araw ay nakikita ko ang excitement ng mga bata lalo na kapag dumating na ang kanilang ama dahil ito po ang time para makapag cuddle time kami at bonding sa isa't isa.

Hanggang dito na lang po muna ang aking diary sa araw na ito. Naway napasaya ko po kayo sa aking munting kwento.

Nais ko pong imbitahan sina ma'am @me2selah @jewel89 at aking mentor @jurich60

Nagmamahal,
@chy07